Мектеп тарихы

 

Өткен ғасырдың 90-жылдарының басында біз Библия миссиясының сырттай оқитын Киелі кітап мектебі ретінде қызметімізді бастадық. Басты мақсатымыз — әрбір адамға Киелі кітапты оқып-үйренуге және оны күнделікті өмірде қолдануға мүмкіндік беру болды.

1991 жылы біз алғашқы бес курсты өңдеп, баспаға дайындадық. 1992 жылдың жазында бұл курстарды бірнеше жүз адам оқи бастады, ал бір жылдан кейін студенттер саны 2 мыңнан асты. Құдай Сөзін зерттеуге деген қызығушылық өте жоғары болды!

1997 жылы Киелі жазбаны оқып жүрген адамдар саны 7 мыңнан асты.

2001 жылға қарай бізде Муди институты ұсынған 18 курс болды. Дәл сол кезеңде бұл курстарды Орталық Азия халықтарының тілдеріне — қырғыз, қазақ, тәжік, өзбек, қарақалпақ және түрікмен тілдеріне аудару жұмысы басталды.

2005 жылы үлкен ізгі хабар тарату жобасы аясында «Сенім жолындағы алғашқы қадамдар» оқулықты дайындадық. Сол жылы бұл курсты алуға ниет білдірген 5 мыңнан астам адам бізге хат жазды.

2010 жылдан бастап курстар румын, украин және неміс тілдеріне де аударыла бастады. Библия миссиясының қызметі арқылы осы уақытқа дейін Киелі кітапты оқып-үйренгісі келген 63 мыңнан астам адам білім алды.

Бүгінде біз Библия миссиясының Киелі кітапты зерттеу платформасы ретінде қызметімізді офлайн және онлайн форматта жалғастырып келеміз. Қазіргі таңда Киелі кітапты оқып-үйренуге арналған 30-дан астам курсты 9 тілде ұсынамыз. Осы жылдардың ішінде біз бір шындықты анық көрдік: Құдай Өз ісін жалғастырып жатыр. Ал біз үшін осы қызметке қатысу — үлкен мәртебе!

Киелі кітап мектебінің тарихына көз жүгіртіп, өткен жылдардан сыр шертетін фотосуреттерді осы жерден көре аласыз:

Библия миссиясының сырттай оқитын Киелі кітап мектебінің алғашқы жеті курсы (1995)

Лидия Семеновна — Библия миссиясының пошта бөлімінің қызметкері (1995). Ол бұрынғы КСРО аумағындағы 5000 студентпен байланыс жасап отырды.

Библия миссиясының оқу бөлімі (Алматы, 1994)

ККМ жетекшісі (Мәскеу, 1997)

ККМ студенті (1997)

Оқулықтарға шолу (Алматы, 2015)

ККМ жетекшісі (Бишкек, Кыргызстан, 2014)

Омбы қаласындағы ККМ студенттерінің кездесуі (Ресей, 2007)

Біздің сеніміміз?   fa fa-long-arrow-right