Курстар

Бұл курста мәсіхшілік сенімнің негізгі 10 ілімі қарастырылады. Мұнда қарапайым түсініктер де, Киелі Жазба ілімдеріне қатысты теологиялық ойлар да қамтылған. Бұл курс мұқият әрі асықпай зерттеуді талап етеді. Оны сенімге жаңадан келген адамдар да, ұзақ уақыттан бері сенім жолында жүрген адамдар да, мәсіхшілік ілімге қызығушылық танытып жүрген жандар да оқи алады.

Иса Мәсіх — адамзат тарихындағы ең ғажайып Тұлға. Оның тәлімі миллиондаған адамның өмірін өзгертті. Құтқарушының өмірін терең зерттеу мәсіхшіні қуанышқа және жанқиярлықпен қызмет етуге шабыттандырады. Ал егер Сіз өзіңізді Мәсіхтің ізбасары деп санамасаңыз, Оның өмірімен танысу Сізді маңызды шешім қабылдауға жетелейді.

Жаратылыстың басталуы кітабы ғалам мен адамның қалай пайда болғанын Жаратушының Өз сөзі арқылы баяндайды. Бұл кітаптан сіз алғашқы күнә туралы және оның бүкіл әлемге қандай ауыр әсер еткенін білесіз. Сонымен қатар, мұнда Құдайдың адамзатты құтқару жоспары алғаш рет ашылады. Киелі кітаптың бірінші кітабын зерттеу біз өмір сүріп жатқан әлемді жақсырақ түсінуге көмектеседі.

Осы Ізгі хабардың мақсаты мына сөздерден анық көрінеді: "Ал жазылғандары Исаның Құтқарушы Мәсіх, Құдайдың рухани Ұлы екендігіне сендер сенсін, әрі сенімдерің арқылы Онымен тығыз байланыста тұрып, шынайы өмірге ие болсын деген мақсатпен жазылған" (Жох. 20:31). Елші Жохан Мәсіхтің өмірі туралы жазғанда, адамдарға Ізгі хабарды жеткізуді және Мәсіхке деген сенімнің негізін түсіндіруді мақсат етті. Бұл курс осыны байқап, жақсырақ түсінуге көмектеседі.

Бұл курс Құдайды іздеп жүрген және мәсіхшілік сенім туралы тереңірек білгісі келетін жандарға арналған. Бұл курс сізге мәсіхшілік сенімнің негізгі қағидаларын түсінуге және Мәсіхтің соңынан адал жүруге көмектесетін практикалық бағыт-бағдар алуға мүмкіндік береді. Мәсіхшілікпен танысуды жаңадан бастаған жандарға оқу жолын дәл осы бағдарламадан бастауды ұсынамыз.