Курстар

Бұл курс Құдай Сөзі мәсіхшінің күнделікті өміріндегі түрлі рухани міндеттер мен қиындықтарға жауап беретін өмірлік маңызды кілт екенін көрсетуге бағытталған. Онда Құдаймен оңаша уақыт өткізу, Мәсіх туралы куәлік ету, азғыруларға қарсы тұру және басқа сенушілерге қолдау көрсету сияқты маңызды тақырыптар қамтылады. Сонымен бірге Киелі кітап мәтіндерін есте сақтауға көмектесетін практикалық нұсқаулық ұсынылады.

Бұл курс Ізгі хабар тарату қызметіне қатысты негізгі сұрақтарды жан-жақты қарастырады. Біз Ізгі хабар таратушының өмірі мен қызметі, кездесетін қиындықтар және оларды жеңу жолдары туралы сөйлесеміз. Курс барысында сіз жеке Ізгі хабар таратуға да, қауымдағы қызметті дамытуға да пайдалы болатын кеңестер аласыз.

Бұл курс мәсіхшінің өмір салты қандай болуы керектігін және Киелі кітапта ашылған Құдайдың еркіне сай өмір сүру үшін қандай қағидаларды ұстану қажет екенін тереңірек түсінуге көмектеседі. Курс арқылы сіз күнделікті өміріңізді саралап, Құдайдың еркін тану жолына саналы түрде қадам жасай аласыз. Алған білімдеріңіз күнделікті өміріңізге бағыт-бағдар болады.

Ізгі хабар тарату — әрбір сенушіге сеніп тапсырылған маңызды мәсіхшілік қызмет. Мәсіхшілер Ізгі хабар айтуға шақырылғанымен, бұл шақыру іс жүзінде әрдайым орындала бермейді. Ал Ізгі хабар тарату жолындағы сәтсіздіктерден кейін кейбір адамдардың жүрегі суып, бұл қызметтен бас тартуы мүмкін. Бұл курс сізді Ізгі хабар таратуға жігерлендіріп, оған дайын болуға көмектеседі.

Киелі өмір сүру — Киелі кітаптағы ең күрделі әрі маңызды тақырыптардың бірі. Көптеген адамдар мәсіхшілік киелілік өздері үшін қолжетімсіз деп санайды. Алайда Жаратқан Ие мәсіхшілерді: «киелі болыңдар, себебі Мен киелімін» (Пет 1. 1:16), — деп шақырды. Киелі өмірсіз Жаратқан Иенің соңынан еру мүмкін емес. Бұл курс мәсіхшінің киелі өмір сүруінің негіздерін үйретеді.

Курстың бірінші бөлімінде тақырыпқа кіріспе, негізгі ұғымдар және діни ағымдардың басты ерекшеліктері қарастырылады. Курс жалған мәсіхшілік діни ағымдардың тарихы мен ілімдері туралы мағлұмат береді. Атап айтқанда, Ехоба куәгерлері, Державная Құдай Анасы Православие Шіркеуі және Иса Мәсіхтің Соңғы Замандағы Әулиелер Шіркеуі (мормондар) туралы оқисыз. Сондай-ақ бұл діни ағымдардың ілімдері Киелі кітап негізінде жан-жақты талданады.

Курстың екінші бөлігінде әртүрлі діни ағымдардың тарихы мен ілімдері қарастырылады. Атап айтқанда, шығыс бағыттағы діни ағымдар: Кришна және Ошо Раджниш ілімі; Бірнеше діни көзқарасты біріктіретін синкретикалық бағыттар: Бахаи, Бірігу шіркеуі, Соңғы өсиет шіркеуі және неоязычество; сондай-ақ оккульттік бағыттардың бірі – Теософиялық қоғам туралы айтылады.