Бардык курстардын тизмеси
Бул жерде биздин бардык курстарыбыз топтолгон. Бардык курстар китеп түрүндө түзүлгөн.
Мәсіхшілік сеніміндегі алғашқы қадамдар
Бұл курс Құдайды іздеп жүрген және мәсіхшілік сенім туралы тереңірек білгісі келетін жандарға арналған. Бұл курс сізге мәсіхшілік сенімнің негізгі қағидаларын түсінуге және Мәсіхтің соңынан адал жүруге көмектесетін практикалық бағыт-бағдар алуға мүмкіндік береді. Мәсіхшілікпен танысуды жаңадан бастаған жандарға оқу жолын дәл осы бағдарламадан бастауды ұсынамыз.
Құдайдың сенің өміріңе арналған жоспары
Бұл курс мәсіхшінің өмір салты қандай болуы керектігін және Киелі кітапта ашылған Құдайдың еркіне сай өмір сүру үчін қандай қағидаларды ұстану қажет екенін тереңірек түсінуге көмектеседі. Курс арқылы сіз күнделікті өміріңізді саралап, Құдайдың еркін тану жолына саналы түрде қадам жасай аласыз. Алған білімдеріңіз күнделікті өміріңізге бағыт-бағдар болады.
Құдайға толықтай бағышталған қасиетті өмір
Киелі өмір сүру — Киелі кітаптағы ең күрделі әрі маңызды тақырыптардың бірі. Көптеген адамдар мәсіхшілік киелілік өздері үшін қолжетімсіз деп санайды. Алайда Жаратқан Ие мәсіхшілерді: «киелі болыңдар, себебі Мен киелімін» (Пет 1. 1:16), — деп шақырды. Киелі өмірсіз Жаратқан Иенің соңынан еру мүмкін емес. Бұл курс мәсіхшінің киелі өмір сүруінің негіздерін үйретеді.
Жаратылыстың басталуы
Жаратылыстың басталуы кітабы ғалам мен адамның қалай пайда болғанын Жаратушының Өз сөзі арқылы баяндайды. Бұл кітаптан сіз алғашқы күнә туралы және оның бүкіл әлемге қандай ауыр әсер еткенін білесіз. Сонымен қатар, мұнда Құдайдың адамзатты құтқару жоспары алғаш рет ашылады. Киелі кітаптың бірінші кітабын зерттеу біз өмір сүріп жатқан әлемді жақсырақ түсінуге көмектеседі.
Мысырдан көшіп шығу
Көне Өсиет Құдайдың исраил халқы арқылы жер бетіне келуге тиіс болған Құтқарушы туралы уәдесінің қалай орындалғанын баяндайды. Құтқарушы Исраил халқы арқылы келуі керек еді. Мысырдан шығу кітабы исраилдіктердің құлдықтан босап, еркін халыққа айналғанын көрсетеді. Сондай-ақ олардың Құдайдың заңын қабылдап, киелі шатыр мен діни қызметкерлер қызметіне қатысты нұсқаулар алғанын түсіндіреді.
Иса Мәсіхтің өмірі
Иса Мәсіх — адамзат тарихындағы ең ғажайып Тұлға. Оның тәлімі миллиондаған адамның өмірін өзгертті. Құтқарушының өмірін терең зерттеу мәсіхшіні қуанышқа және жанқиярлықпен қызмет етуге шабыттандырады. Ал егер Сіз өзіңізді Мәсіхтің ізбасары деп санамасаңыз, Оның өмірімен танысу Сізді маңызды шешім қабылдауға жетелейді.
Жохан жазған Ізгі хабар
Осы Ізгі хабардың мақсаты мына сөздерден анық көрінеді: "Ал жазылғандары Исаның Құтқарушы Мәсіх, Құдайдың рухани Ұлы екендігіне сендер сенсін, әрі сенімдерің арқылы Онымен тығыз байланыста тұрып, шынайы өмірге ие болсын деген мақсатпен жазылған" (Жох. 20:31). Елші Жохан Мәсіхтің өмірі туралы жазғанда, адамдарға Ізгі хабарды жеткізуді және Мәсіхке деген сенімнің негізін түсіндіруді мақсат етті. Бұл курс осыны байқап, жақсырақ түсінуге көмектеседі.
Елшілердің істері
Елшілердің істері кітабы мәсіхшіліктің иудаизмнің орнын баса бастаған кезеңі туралы баяндайды. Киелі Рух түскеннен кейін қауым кеңінен таралып, мәсіхшілер қауымдары Рим империясының барлық ірі қалаларында болды. Бұл кітап қауымның өсуі мен дамуын баяндап, Ізгі хабар кітаптары мен елшілердің хаттарын табиғи түрде байланыстырады. Бұл кітап арқылы сіз бірінші ғасырдағы мәсіхшілердің қарқынды өмірін сезінесіз.
Римдіктерге арналған хат
Римдіктерге арналған хат — терең құдайтанулық еңбек әрі практикалық нұсқаулық. Бұл хатта мәсіхшілік сенімнің негізгі шындықтары ашылады: құтқарылу деген не, ол Кімнен келеді, адам оны қалай қабылдайды және құтқарылу мәсіхшінің өмірін қалай өзгертуі керек. Сонымен қатар күнәні жеңу жолы, сенушінің қауымдағы және қоғамдағы өмірі қарастырылады.
