Бардык курстардын тизмеси
Бул жерде биздин бардык курстарыбыз топтолгон. Бардык курстар китеп түрүндө түзүлгөн.
Ыйык Китептин окутуулары
Бул курста машаякчылык ишеним тууралуу окутуунун 10 негизги пункту каралат. Анда эң жөнөкөй түшүнүктөр да, Ыйык Жазуунун окутууларына болгон теологиялык көз караштар да баяндалган. Курс окуучудан шашпай, терең ой калчап изилдөөнү талап кылат. Бул курсту жаңыдан ишенимге келген машаякчылар, көп жылдык тажрыйбасы бар ишенүүчүлөр жана азырынча машаякчылык окутууга кызыгып гана жүргөндөр окуса болот.
Ыйса Машаяктын өмүрү
Ыйса Машаяк – тарыхтагы эң таң калыштуу Инсан. Анын окутуусу миллиондогон адамдардын жашоосун өзгөрткөн. Куткаруучунун өмүрүн ийне-жибине чейин изилдөө машаякчыны кубанычка жана жан аябастан кызмат кылууга шыктандырат. Эгерде сиз өзүңүздү Машаяктын жолдоочуларынын катарына кошпосоңуз, анда Анын өмүрү менен таанышуу сизди жашооңуздагы эң маанилүү чечимди кабыл алууга түрткү берет.
Башталыш китеби
Башталыш китеби – ааламдын жана адамзаттын келип чыгышы жөнүндө Жаратуучунун Өз оозунан айтылган баян! Бул китепте сиз алгачкы күнөө жана анын бүткүл жаратылышка тийгизген кыйратуучу таасири тууралуу биле аласыз. Ошондой эле Кудайдын куткаруу планы жөнүндө алгачкы жолу сөз кылынат. Ыйык Жазуунун биринчи китебин изилдөө биз жашап жаткан дүйнө тууралуу эң негизги билимдерди берет.
Жакан жазган Жакшы Кабар
Жакшы Кабардын жазылуу максаты мындай сөздөр менен билдирилет: «Булар болсо Ыйсанын Кудайдын Уулу, Машайак экенине ишенишиңер үчүн жана ишенип, Анын ысымы аркылуу өмүргө ээ болушуңар үчүн жазылды» (Жакан 20:31). Элчи Жакан бир эле учурда жакшы кабарды жайылтуу жана ишенимди коргоо максаттарын көздөп, Машаяктын өмүр баянын түзгөн. Бул курс муну даана көрүүгө жана түшүнүүгө жардам берет.
Алгачкы кадамдар
Бул курс Кудайды дагы эле издеп жүргөндөргө же машаякчылык ишенимде алгачкы кадамдарын жаңыдан таштап жаткандарга багытталган. Бул курста сиз машаякчылык ишенимдин негизги жоболорун карап чыгып, Машаяктын жолун кантип жолдоо керектиги тууралуу иш жүзүндөгү кеңештерди аласыз. Машаякчылык менен жаңыдан тааныша баштагандардын бардыгына окууну дал ушул курстан баштоону сунуштайбыз.
Ыйык Жазууну жаттоо
Курстун максаты Кудайдын Сөзү күнүмдүк машаякчылык турмуштагы маселелерди чечүүдө кантип абдан маанилүү ачкыч боло аларын көрсөтүү болуп саналат. Курс тынч убакыт өткөрүү, Машаяк жөнүндө күбөлөндүрүү, азгырыктарды жеңүү жана башка ишенүүчүлөргө жардам берүү сыяктуу темаларды камтыйт. Ошондой эле, Ыйык Китептин аяттарын эске тутуу боюнча иш жүзүндөгү колдонмо берилген.
Иш жүзүндө Жакшы Кабар таратуу
Бул курста Жакшы Кабар таратуунун пайдубалдык маселелери каралат. Биз Жакшы Кабар таратуучунун жашоосун жана кызматын терең түшүнүү, жакшы кабарчылар туш болгон негизги көйгөйлөр жана аларды жеңүүнүн жолдору тууралуу сүйлөшөбүз. Сиз мындан жекече Жакшы Кабар айтуу үчүн да, жыйында Жакшы Кабар таратуу кызматын уюштуруу үчүн да иш жүзүндөгү пайдалуу кеңештерди таба аласыз.
Кудайдын сенин жашооңо болгон эрки
Бул курс машаякчынын жашоосу кандай болушу керектигин жана Ыйык Китепте бизге ачылган Кудайдын эркине ылайык жашоо үчүн кандай принциптерди кармануу керектигин түшүнүүгө жардам берет. Сиз өзүңүздүн күнүмдүк иш-аракеттериңизди талдап чыгып, Кудайдын эркин таанып-билүү жолуна түшө аласыз. Алган билимдериңиз күнүмдүк жашооңузда колдонмого айланат.
Ийгиликтүү Жакшы Кабар таратуунун принциптери
Жекече Жакшы Кабар айтуу – бул бардык ишенүүчүлөр аткара ала турган маанилүү машаякчылык кызмат. Машаякчылар Жакшы Кабар таратууга чакырылган! Бул жөнүндө көп айтылат, бирок иш жүзүндө сейрек аткарылат. Ал эми Жакшы Кабар айтып көрүп, бирок ийгиликсиздикке учураган адамдын көңүлү калып, бул кызматты таштап коёт. Бул курс сизди жекече Жакшы Кабар таратууга шыктандырат жана ага даярданууга жардам берет.
Ыйыктыкта жашоо
Ыйыктыкта жашоо – Ыйык Китептин эң татаал, бирок ошол эле учурда эң маанилүү темаларынын бири. Көп адамдар машаякчылык ыйыктыкка жетүү алар үчүн мүмкүн эмес деп ойлошот, бирок Теңирибиз машаякчыларды: «Ыйык болгула, анткени Мен ыйыкмын», – деп чакырган (1 Петир 1:16). Ыйыктыкта жашамайынча Теңирдин артынан ээрчүү мүмкүн эмес. Бул курс машаякчылык ыйыктыкта жашоонун негиздерин үйрөтөт.
Культтар, 1-бөлүк
Курстун биринчи бөлүгү теманын киришүүсүн, культтар жөнүндөгү негизги түшүнүктөрдү жана аларга мүнөздүү болгон өзгөчөлүктөрдү камтыйт. Бул курс төмөнкүдөй жалган машаякчылык культтардын тарыхы жана окутуулары тууралуу маалымат берет: Жахабанын Күбөлөрү, «Державная икона Божьей Матери» аттуу Православ Чиркөөсү жана Акыркы Күндүн Ыйыктарынын Жыйыны (мормондор). Ошондой эле, сиз мындан бул культтардын окутууларынын Ыйык Китепке негизделген терең түшүндүрмөсүн таба аласыз.
Культтар, 2-бөлүк
Курстун экинчи бөлүгү төмөнкү чыгыш культтарынын тарыхы жана окутуулары тууралуу баяндайт: Кришна аң-сезими коому (Общество сознания Кришны), Ошо Раджниш; аралаш (синкретикалык) культтар: Бахаи, Биригүү Жыйыны (Церковь объединения), Акыркы Келишим Жыйыны (Церковь Последнего Завета), необутпарастык; жана оккульттук коомдор: Теософиялык коом. Сиз бул культтардын окутуулары тууралуу Ыйык Китепке негизделген терең түшүнүк таба аласыз. Бул курсту маалымдама катары колдонуп, өзүңүзгө учурда актуалдуу болгон гана темаларды тандап изилдесеңиз болот.
Башталыш китеби
Башталыш китеби – ааламдын жана адамзаттын келип чыгышы жөнүндө Жаратуучунун Өз оозунан айтылган баян! Бул китепте сиз алгачкы күнөө жана анын бүткүл жаратылышка тийгизген кыйратуучу таасири тууралуу биле аласыз. Ошондой эле Кудайдын куткаруу планы жөнүндө алгачкы жолу сөз кылынат. Ыйык Жазуунун биринчи китебин изилдөө биз жашап жаткан дүйнө тууралуу эң негизги билимдерди берет.
Мисирден Чыгуу
Бул дүйнөгө келе турган Куткаруучу жөнүндөгү Кудайдын убадасынын аткарылышы тууралуу тема Байыркы Келишимде баштан-аяк созулат. Куткаруучу Ысрайыл эли аркылуу келиши керек болчу. Мисирден Чыгуу китебинин максаты дал ушул ысрайылдыктардын кантип эркин элге айланганын, Кудайдын мыйзамын, жыйын чатырынын түзүлүшү жана ыйык кызмат кылуучулук тууралуу көрсөтмөлөрдү кандайча алышканын көрсөтүү болуп саналат.
Забурлар
Забур китеби – бул сезимдердин, сыйынуулардын жана даңктоо ырларынын Кудайдын шыктандыруусу менен жазылган улуу китеби. Ал адам баласынын жүрөгүнүн ар кандай турмуштук кырдаалдарга болгон жообун чагылдырат. Ошондой эле, Кудайдын элинин өз тарыхындагы ар кандай мезгилдердеги үмүт-тилектерин ачык-айкын сүрөттөйт. Кудайдын балдары ар дайым забурлардан өздөрүн көрө алышкан жана забурчунун сөздөрүн өздөрүнүн баштан кечирген сезимдерине байланыштырып, кайталай алышкан.
Накыл Сөздөр
Сулаймандын накыл сөздөрү Кудайга ишенбегендер да шилтеме катары келтирген жөнөкөй адамдык акылмандыгы менен гана баалуу эмес. Накыл Сөздөр – Кудайдын адамдарга берилген аянынын Кудайдын Руху тарабынан шыктандырылып жазылган жазмалары. Ыйык Китеп Сулаймандын акылмандыгынын булагы катары Кудайдын Өзүн түз көрсөтөт. Накыл Сөздөрдө сиз бүгүнкү дүйнөдө адам баласында пайда болгон эң татаал суроолорго жооп таба аласыз. Накыл сөздөрдүн баалуулугу – дал ушул Кудай тарабынан берилгендигинде.
Ыйса Машаяктын өмүрү
Ыйса Машаяк – тарыхтагы эң таң калыштуу Инсан. Анын окутуусу миллиондогон адамдардын жашоосун өзгөрттү. Куткаруучунун өмүрүн ийне-жибине чейин изилдөө машаякчыны кубанычка жана жан аябастан кызмат кылууга шыктандырат. Эгерде сиз өзүңүздү Машаяктын жолдоочуларынын катарына кошпосоңуз, анда Анын өмүрү менен таанышуу сизди жашооңуздагы эң маанилүү чечимди кабыл алууга түрткү берет.
Жакан жазган Жакшы Кабар
Жакшы Кабардын жазылуу максаты мындай сөздөр менен билдирилет: «Булар болсо Ыйсанын Кудайдын Уулу, Машайак экенине ишенишиңер үчүн жана ишенип, Анын ысымы аркылуу өмүргө ээ болушуңар үчүн жазылды» (Жакан 20:31). Элчи Жакан бир эле учурда жакшы кабарды жайылтуу жана ишенимди коргоо максаттарын көздөп, Машаяктын өмүр баянын түзгөн. Бул курс муну даана көрүүгө жана түшүнүүгө жардам берет.
Ыйык элчилердин иштери
Элчилердин иштери китеби иудаизмдин ордун малаякчылык ишеним баса баштаган мезгил тууралуу баяндайт. Ыйык Рух түшкөндөн кийин жыйын кеңири жайылып, Рим империясынын бардык чоң шаарларында машаякчылардын жамааттары пайда болгон. Бул китеп жыйындын өсүшү жана өөрчүшү жөнүндө баяндап, Жакшы Кабарлар менен каттарды өз ара логикалык жактан байланыштырып турат. Сиз бул китептен биринчи кылымдагы машаякчылардын кызуу жана жандуу жашоосунун атмосферасын сезе аласыз.
Жакыптын каты
Бул каттын өзгөчөлүгү – ишенүүчү адамдын күнүмдүк турушунда иш жүзүндө колдонула турган так жана түшүнүктүү насааттарды камтыгандыгында. Жакып сыноолордон өткөн жана иштер аркылуу далилденген «бекем ишеним» кантип байкаларын сүрөттөйт. Мындай ишенимдин туруктуулугу айтылган сөз менен жасалган иштин ортосундагы шайкештикте көрүнөт. Бул курс бекем ишенимдин маңызы эмнеде экенин жана ал күн сайын кантип көрүнөрүн түшүнүүгө жардам берет.
Петирдин каттары
Ыйык Китептин каармандарынын арасында Петир өзгөчө орунду ээлейт. Өзүнүн адамдык алсыздыктары жана сезимдери менен ал бизге абдан жакын. Машаяк асманга көтөрүлгөнгө чейин Петир туруксуздугун, кызуу кандуулугун, коркоктугун жана ыраатсыздыгын көрсөткөн. Бирок андан соң күтүүсүздөн ал кубаттуу, чечкиндүү, ишенимдүү, тайманбас жана эр жүрөк адамга айланган. Анын өзгөрүшүнө эмне себеп болгон? Бул курс сизди ушул улуу инсан жана анын каттары менен тааныштырат.
Римдиктерге жазылган кат
Римдиктерге жазылган кат бир эле убакта эң терең теологиялык эмгек жана машаякчылык жашоонун иш жүзүндөгү колдонмосу болуп саналат. Анда машаякчылык ишенимдин негиздери, куткарылуунун Кудайдын түпкү ой-максатынан баштап, ишенүүчүнүн күнүмдүк турмушуна тийгизген таасирине чейинки терең түшүндүрмөсү камтылган. Бул кат машаякчыга күнөөнү кантип жеңүүнү, ошондой эле жыйында жана коомдо өзүн кантип алып жүрүүнү үйрөтөт.
Корунттуктарга жазылган биринчи кат
Бул кат Жаңы Келишимдеги сотериологиялык (грекче soteria – куткарылуу) каттар (Римдиктерге, 1 жана 2-Корунттуктарга, Галатиялыктарга) деп аталган китептердин тобуна кирет, анткени аларда негизги көңүл куткарылуу жөнүндөгү окутууга бурулат. Ошентсе да, анда негизги басым алган билимди иш жүзүндө колдонууга жасалат. Бул курс сизге каттын доктриналык жана практикалык бөлүктөрүн түшүнүүгө жардам берет.
Галатиялыктарга жазылган кат
Дал ушул Галатиялыктарга жазылган катта ишеним аркылуу акталуу окутуусу кыска, так жана ишендирерлик кылып берилген. Бул кат өзүнүн маанилүүлүгү менен машаякчылык эркиндиктин улуу хартиясы (негизги мыйзамы) деп бекеринен аталган эмес. Бул кат Пабылдын Жакшы Кабарды эң кыска, эмоционалдуу жана чечкиндүү түрдө баяндоосу болуп саналат. Бул курс элчинин галатиялыктарды ишенимден четтөөнүн туңгуюгуна кулап кетүүдөн сактап калууга кандайча умтулганын көрсөтүп берет.
Эфестиктерге жазылган кат
Пабыл Римге чынжырланган абалда келген, бирок ал зынданды кафедрага (насаат айтуучу жайга) айлантып, дүйнөгө Жакшы Кабар таратууну андан ары уланткан. Камакта отурган мезгилинде ал Эфестиктерге, Колостуктарга, Филипиялыктарга жана Филимонго багытталган каттарды жазган. Бул төрт китеп – Жаңы Келишимдеги Машаякты даңазалаган улуу каттар болуп саналат. Сиз бул курстан Пабыл Эфестиктерге жазган катында эмнелерди үйрөткөнүн биле аласыз.
Тесалоникалыктарга жана Филипиялыктарга жазылган каттар
Өзүнүн экинчи миссионердик саякаты учурунда элчи Пабыл Тесалоника шаарына барып, ал жерде жыйын түптөгөн. Машаякка ишенбеген жүйүттөр элди дүрбөлөңгө салып, элчини шаардан чыгып кетүүгө мажбур кылышкан. Бирок Пабыл Тесалоникадагы жыйынга куткаруучу ишенимдин белгилери, Кудайга кызмат кылуунун принциптери жана Машаяктын келишин күтүүдөгү күнүмдүк жашоо тажрыйбасы тууралуу эки кат жазган.
Эврейлерге жазылган кат
Каттын автору төмөнкүдөй чындыктын бетин ачат: Машаяк – Байыркы Келишимдеги бардык убадалардын аткарылышы! Ал – Кудайдын жеткилең жана акыркы аяны, ошондуктан Машаяк иудаизмдеги эң мыкты деген нерселердин баарынан жогору турат. Бул кат Машаяктан баш тартуу күнөөсү тууралуу катуу эскертет жана бизди төмөнкүдөй сөздөр менен үндөйт: «Ишенимибиздин баштоочусу жана бүтүрүүчүсү болгон Ыйсаны карайлы» (Эврейлерге 12:2).
Аян китеби
Аян китеби – Ыйык Жазуудагы анда жазылгандарды изилдеп жана аткарган адамга бата убада кылынган жалгыз китеп. Кимде-ким бул китепке жеңил ойлуулук менен өзүнөн бир нерсе кошсо, Кудайдын каарынан качып кутула албайт. Бул курстан өтүүдө Кудайдын батасын сурап, сыйынуу менен бул китепти изилдеңиз.