Сырттан оқитын Киелі Кітап мектебі (KZ)

Бұл курс білім беруді ғана емес, Жазбаға сай өмір сүру дағдысын қалыптастыруды мақсат етеді. Он екі сабақтың әрқайсысында әдеттегі сабақ пен емтиханнан бөлек, күнделікті рухани тәжірибеге арналған дұға нұсқаулығы бар. Курста Киелі жазба мәтіндерін жаттауға ерекше көңіл бөлінеді. Сол үшін жаттауға арналған дайын карточкалар ұсынылған. Курстың соңында Дж. Освальд Сэндерстің «Құдайдың сенің өміріңе арналған жоспары» атты кітабын оқып шығып, оның негізінде емтихан тапсырасыз.

Бұл курс күнделікті өміріңізге көз жүгіртіп, Құдайдың еркін тану жолына қадам басуға мүмкіндік береді. Алған білім күнделікті өмірде бағыт беретін сенімді басшылыққа айналады. Күнделікті дұға ету тәжірибесі Құдаймен қарым-қатынасыңызды нығайтып, нәтижелі дұға ету дағдысын қалыптастырады. Ал жатталған Киелі жазба аяттары дұрыс жолда берік тұруға көмектеседі.

Сенім жолына жаңадан қадам басқан адамдарға Құдайдың еркіне сай өмір сүрудің мәнін түсінуге көмектеседі. Сіз күнделікті өмірде қандай ұстанымдарды басшылыққа алу керектігін үйреніп, Құдайдың соңынан еруді жақсырақ түсінетін боласыз.

Ұзақ уақыттан бері сенімде жүрген адамдарға Бұл курс Құдайдың жетелеуінің терең сырын ашуға көмектеседі. Иеміз Иса Мәсіхтің өмірін Құдайдың еркіне толық мойынсұнудың кемел үлгісі ретінде тереңірек түсінуге мүмкіндік береді. Сондай-ақ күрделі сұрақтарға жауап іздеуге және өмірлік маңызды таңдаулар кезінде дұрыс шешім қабылдауға көмектеседі.  

Мәсіхшілік ілімге қызығушылық танытқан жандарға Жаратушының әр адамды ерекше оймен, асыл мақсатпен жаратқанын түсінуге көмектеседі. Құдайдың әрбір жанның өміріне арналған игі жоспары бар. Сіздің өміріңіз де сол жоспардың бір бөлігі. Адамның шынайы бақыты – сүйіспеншілікке толы Құдайдың жоспарына сай өмір сүру.

Киелі өмір сүру — Киелі кітаптағы ең күрделі әрі маңызды тақырыптардың бірі. Көптеген адамдар мәсіхшілік киелілік өздері үшін қолжетімсіз деп санайды. Алайда Жаратқан Ие мәсіхшілерді: "киелі болыңдар, себебі Мен киелімін" (1 Пет. 1:16), — деп шақырды. Киелі өмірсіз Жаратқан Иенің соңынан еру мүмкін емес. Бұл курс мәсіхшілік киелі өмірдің негізгі қағидаларын үйретеді.

Бұл курс мәсіхшінің күнделікті өміріне тікелей әсер ететін маңызды сұрақтарға жауап береді: киелі өмір сүру деген не? Ол әрбір сенушіге қолжетімді ме, әлде санаулы мәсіхшілерге ғана тән жол ма? Рухани өсуге не кедергі жасайды және өміріміз бен қызметімізде Құдайдың батасының толықтығын қалай сезіне аламыз?

Сенім жолына жаңадан қадам басқан адамдарға киелі өмір сүруге ұмтылған кезде кездесетін қиындықтарды түсінуге және үмітсіздікке берілмей, дұрыс жол табуға көмектеседі. Курс күнәдан тазарудың сырын ашып, мәсіхші адамның жаңа өмірден не себепті толық қуаныш пен қанағат сезінбеуі мүмкін екенін түсіндіреді.

Ұзақ уақыттан бері сенімде жүрген адамдарға Бұл курс күнәмен және азғырулармен күресте табанды болудың маңызын түсінуге көмектеседі. Дұрыс жолдан таймай жүрудің неге маңызды екенін көрсетеді. Сіз киелі өмірдің жүрекке тыныштық, бейбітшілік және қуаныш әкелетінін тереңірек түсінесіз. Сондай-ақ жемісті мәсіхшілік өмір сүру үшін Киелі Рухқа кенелудің жолын көресіз.  

Мәсіхшілік ілімге қызығушылық танытқан жандарға Бұл курс мәсіхшілік жай ғана дін емес, жаңа ойларға, жаңа сезімдерге және жаңа өмір салтына бастайтын шынайы жаңа өмір екенін көрсетеді. Адам мұндай өмірге діни қағидаларды орындау арқылы емес, Құдайдың күші арқылы келеді.

Бұл курста Лұқа жазған Ізгі хабардың жалғасы ретінде жазылған екінші кітап — Елшілердің істері кітабы қарастырылады. Кітаптың кіріспесінде Лұқа өзінің «алғашқы кітабында» «...Исаның басынан бастап не істегені және не үйреткені туралы жазғанын айтады » (Елш. Іс. 1:1). Осыдан Елшілердің істері кітабы қайта тірілген Иеміз Иса Мәсіхтің қызметін баяндайтынын көреміз: Ол Өзінің Киелі Рухы арқылы елшілер мен басқа сенушілерді қолданып, Өз ісін жалғастырды. Елшілердің істері — әлемге құтқарылу туралы куәлік ететін кітап. Бұл курс сол куәліктің қалай дамығанын, алғашқы қауымның және елшілердің қызметін тереңірек түсінуге көмектеседі.

Бұл курс алғашқы қауымның өмірі мен қызметі туралы баяндайды. Сенушілер қауым ішінде қандай сұрақтармен, ал сыртта қандай қиындықтармен кездескенін, сол жағдайларда қандай шешім қабылдағанын және неге сүйенгенін түсіндіреді. Сіз елшілердің қандай адамдар болғанын көріп, олардың берік сенімін және қызмет ету ұстанымдарын білесіз. Сонымен қатар Мәсіхтің Киелі Рухтың күшімен олар арқылы қалай әрекет еткенін түсінесіз. Бұл сіз үшін өмірде қолдануға болатын әрі үлгі алуға тұрарлық маңызды сабақ болады.

Сенім жолына жаңадан қадам басқан адамдарға Иеміздің Ұлы тапсырмасын орындау еш қиындықсыз өтетін жеңіл де жеңісті жол емес екенін түсінуге көмектеседі. Бұл — күрделі де қауіпті, бірақ Құдайдың ерекше жарылқауы мен қуанышына толы жол. Сіз алғашқы қауымның ісін жалғастыруға жігер беретін және осы жолда сізді қолдайтын Иеміздің құдіретін көресіз.

Ұзақ уақыттан бері сенімде жүрген адамдарға алғашқы қауымның тарихына тереңірек үңіліп, елшілік қызметтің мәнін ұғынуға көмектеседі. Сонымен қатар Пауылдың елшілік сапарлары мен Петірдің қызметінің маңызын тереңірек түсінуге жол ашады. Курс мәсіхшілерге берілген Иеміздің Ұлы тапсырмасын еске салып, оны қорықпай, еңсені түсірмей, Киелі Рухтың күшімен орындауға үйретеді.  

Мәсіхшілік ілімге қызығушылық танытқан жандарға Иеміздің құдіретіне ештеңе кедергі бола алмайтынын көрсетеді. Мәсіхтің Ұлы тапсырмасы алғашқы мәсіхшілерге берілген еді. Содан бері әлем әр дәуірде бұл іске қарсы тұрса да, Иеміздің жоспары тоқтамай орындалып келеді.

Бұл курс әрбір адамның жүрегінде Құдайды іздеуге деген терең мұқтаждық бар екенін көрсетеді. Адам мұны әрдайым анық сезіне бермеуі мүмкін, бірақ оның жаны Жаратушысын іздейді. Құдай кім? Ол қандай? Онымен тірі әрі шынайы қарым-қатынас орнатуға бола ма? Курс барысында сіз Иса Мәсіхпен және Құдайдың құтқару жоспарымен танысасыз. Адам неліктен құтқарылуға мұқтаж екенін және Мәсіхтің бұл дүниеге не үшін келгенін түсінесіз. Сонымен бірге шынайы мәсіхшілік өмірдің мәнін және дәл сіздің осы өмірді қалай бастай алатыныңызды білесіз. Бұл курс ең алдымен Құдайды іздеп жүрген және мәсіхшілік сенім туралы тереңірек білгісі келетін жандарға арналған.

Бұл курс Құдайдың құтқару жоспарын басынан аяғына дейін түсінуге көмектеседі. Ол мәсіхшілік өмірді жай ғана діни ережелерді орындау ретінде емес, Құдаймен тірі әрі шынайы қарым-қатынас ретінде көрсетеді. Курс жаңа өмірді қалай бастауға, мәсіхші ретінде қалай өмір сүруге, қиындықтар мен азғырулардан қалай өтуге және күнәні қалай жеңуге болатынын нақты түсіндіреді.

Сенім жолына жаңадан қадам басқан адамдарға бұрын естіген ақиқаттарды тереңірек түсініп, олардың өзара байланысын көруге және мәсіхшілік өмір тәжірибесіндегі кейбір кемшіліктерін жеңуге көмектеседі.

Ұзақ уақыттан бері сенімде жүрген адамдарға сенбейтін адамдарға куәлігін анық әрі жүйелі түрде жеткізуге көмектеседі. Сондай-ақ Құдай, Мәсіх, құтқарылу, қауым және мәсіхшілік өмір туралы сұрақтарға жауап беруге дайындайды.  

Мәсіхшілік ілімге қызығушылық танытқан жандарға бұл курс Құдайды іздеу жолында дұрыс бағыт көрсетеді. Сонымен бірге Құдайды және Оның Сөзін елемеудің неге қауіпті екенін, Құдай мен құтқарылу туралы қате түсініктерге сүйенуге болмайтынын, Құдаймен қалай қарым-қатынас жасауға болатынын және рухани өсу жолында қауымның неге маңызды екенін түсіндіреді.

Римдіктерге арналған хат — терең құдайтанулық еңбек әрі практикалық нұсқаулық. Бұл хатта мәсіхшілік сенімнің негізгі шындықтары ашылады: құтқарылу деген не, ол Кімнен келеді, адам оны қалай қабылдайды және құтқарылу мәсіхшінің өмірін қалай өзгертуі керек. Сонымен қатар күнәні жеңу жолы, сенушінің қауымдағы және қоғамдағы өмірі қарастырылады. Курс күрделі сұрақтарға да тоқталады: Құдай Сөзіне ие болмаған адамдар Құдай алдында қалай есеп береді? Адамгершілігі жоғары, бірақ Мәсіхке сенбейтін адамдар құтқарыла ала ма? Жер бетінде бірде-бір әділ адам жоқ деген рас па, өйткені көп жақсылық жасайтын адамдар да бар емес пе? Курс Римдіктерге арналған хаттың осы және басқа да сұрақтарға қалай жауап беретінін көрсетеді.

Бұл курс Құдай алдындағы жеке өмір, күнәдан немесе сенімнен тайғаннан кейін қайта қалпына келу, елшілік қызмет, сондай-ақ мәсіхшінің ел мен билік алдындағы міндеттері сияқты мәселелерге практикалық тұрғыдан қарауға мүмкіндік береді. Сондай-ақ көзқарастарыңыз әртүрлі болғанда немесе күмәнді жағдайға тап болғанда, сенімі әлсіз бауырласпен дұрыс қарым-қатынас құруды үйретеді.

Сенім жолына жаңадан қадам басқан адамдарға Мәсіхтің соңынан еру жолында сенім мен адамның күш-жігері қалай үйлесетінін түсіндіреді. Курс Құдайдың рақымын күнәға жол ашатын себепке айналдырмай, сонымен бірге парызшылдық пен өз әділдігіне сүйенуден сақтануға үйретеді. Күнә жасап, тәубе етіп, кейін сол күнәға қайта орала беретін өмірден арылып, күнәні жеңіп өмір сүруді және құтқарылғаныңызға сенімді болуды үйретеді.

Ұзақ уақыттан бері сенімде жүрген адамдарға бұл курс Киелі Рухқа сай өмір сүрудің мәнін тереңірек түсінуге көмектеседі. Киелі Рухқа кенеліп, күнделікті өмірде және қызметте Оның жетелеуімен жүруге үйретеді. Қиындықтар кезінде қорқыныш пен жігерсіздікке берілмей, әрдайым қуаныш пен үмітті сақтауды көрсетеді. Сондай-ақ курс елшілік қызмет туралы ойлануға жетелейді.  

Мәсіхшілік ілімге қызығушылық танытқан жандарға бұл курс әр адамның өз өмірі үшін Құдай алдында жауапты екенін және әркімнің Құдайды тануға мүмкіндігі бар екенін көрсетеді. Әр адам Құдайды танып-білуге мүмкіндік алған және бір күні Оның алдында өз өмірі үшін жауап береді. Сондай-ақ Құдайды мойындамай, сенімсіздік пен күнә жолын таңдаған адамның өмірі қандай салдарға әкелетінін түсіндіреді.

Көне Өсиет Құдайдың Исраил халқы арқылы жер бетіне келуге тиіс болған Құтқарушы туралы уәдесінің қалай орындалғанын баяндайды. Бірақ исраилдіктер қалайша еркін, тәуелсіз, өз заңдары мен өмір сүру тәртібі бар халыққа айналды? Исраил басқа халықтардан ерекше болды, өйткені олар Құдайдың басқаруымен өмір сүрді. Яһудилер өмірге қажетті нұсқаулардың бәрін: Құдай заңын, киелі шатырдың құрылымы, табыну жүйесі мен діни қызметке қатысты ережелерді, сот жүйесін, отбасы мен мемлекеттің негіздерін – Жаратқан Иеден алды. Мысырдан шығу кітабы осының бәрі қалай болғанын түсіндіреді.

Бұл курс сізді Исраил халқының қалыптасу тарихымен таныстырып, Құдай Заңының мәнін ашып береді. Сонымен бірге Құдайдың болмысын, Оның шексіз құдіреті мен билігін айқын көрсетеді. Оған сол дәуірдегі ең қуатты Мысыр мемлекеті де, ұлы деп құрметтелген пұттар да, табиғат күштері де, физикалық заңдар да, абыздардың тылсым айла-амалдары да қарсы тұра алмады. Сіз жаратылған дүниедегі барлық күштердің үстінде бір ғана шынайы Ие әрі Билеуші бар екенін анық көресіз. Құдай Өз жоспарлары мен үкімдерін міндетті түрде жүзеге асырады.

Сенім жолына жаңадан қадам басқан адамдарға Құдайдың заңдары мен өмір сүру қағидаларын жақсырақ түсінуге және яһуди халқының тарихын тереңірек білуге көмектеседі. Мұнда бүгінгі мәсіхшілерге түсініксіз болуы мүмкін тақырыптар қарастырылады: киелі шатыр не үшін қажет болды, діни қызметкерлердің қызметі қандай болды, мұның бәрі Құдайдың адамды күнәдан құтқару жоспарымен қалай байланысты, Құтқарылу мейрамы нені білдіреді және оның Иса Мәсіхпен қандай байланысы бар. Құдайдың ұлы құдіреті туралы ойланған сайын жүрегіңіз қуанышқа толады, өйткені бүкіл әлемді билейтін осы Ұлы Құдай — сіздің сүйетін Әкеңіз!

Ұзақ уақыттан бері сенімде жүрген адамдарға исраилдіктердің өмірі арқылы Құдаймен жеке қарым-қатынасқа қатысты пайдалы сабақтар алуға көмектеседі. Сіз Құдайдың Өз уәделеріне әрдайым адал екенін тереңірек түсінесіз. Сонымен бірге мәсіхші ретінде өзіңіздің Құдайға қаншалықты адал екеніңіз жайлы ойланасыз.  

Мәсіхшілік ілімге қызығушылық танытқан жандарға Құдайдың қандай екенін тереңірек түсінуге көмектеседі. Ол — мейірімді әрі ұзақ шыдайтын Құдай. Оның бұл қасиеті шөл даладағы яһуди халқымен қарым-қатынасынан айқын көрінеді. Сонымен бірге Құдай әділ, әрі ешкімді алаламайды. Мұны Оның мысырлықтар мен яһудилерге шығарған үкімдерінен байқаймыз. Бұл білім адамның жүрегінде Құдай алдындағы терең құрметті оятып, сенімсіздік пен мойынсұнбаушылық үшін болатын әділ жазадан құтқарылуға мұқтаж екенін түсінуге жетелейді.

Бұл курс Иса Мәсіхтің өмірі мен қызметіне тереңірек үңілуге көмектеседі. Онда Исаның қызметке дайындық кезеңі, Яһудеядағы, Ғалилеядағы және Переядағы қызметі қарастырылады. Сонымен қатар Мәсіхтің азапты аптасындағы оқиғалар мен сол кездегі тарихи жағдайлар да қарастырылады. Курс жаңадан сенімге келген мәсіхшілерге де, ұзақ уақыттан бері сенім жолында жүргендерге де, сондай-ақ мәсіхшілік сенімге қызығушылық танытып жүрген жандарға да арналған.

Курс Иса Мәсіхтің өмірі мен қызметі жайлы оқиғаларды ретімен зерттеуге көмектеседі. Сонымен бірге сол заманның тарихи және мәдени ерекшеліктерін түсінуге мүмкіндік береді. Бұл Мәсіхтің ілімін және Оның дүниеге келуінің мәнін жақсырақ түсінуге көмектеседі.

Сенім жолына жаңадан қадам басқан адамдарға төрт Ізгі хабарды біртұтас түрде түсініп, Иса Мәсіхтің өміріндегі оқиғалардың мәнін тереңірек ұғынуға көмектеседі.

Ұзақ уақыттан бері сенімде жүрген адамдарға Иса Мәсіх өмір сүрген уақыттың тарихи және мәдени ортасын тереңірек танып, Оның бұл дүниеге келуінің маңызын жақсырақ түсінуге көмектеседі. 

Мәсіхшілік ілімге қызығушылық танытқан жандарды өмірі мен ілімі халықтардың тарихын, мәдениетін және дүниетанымын ғана емес, сансыз адамдардың өмірі мен жүрегін өзгерткен Ұлы Тұлғамен жақынырақ таныстырады.

Бұл курста Киелі кітаптың ең алғашқы кітабына шолу жасалады. Бұл кітап бүкіл жаратылыстың қалай жаратылғанын ашып көрсетеді. Курс арқылы сіз Құдайдың ұлы жаратылысы және Оның бейнесіне ұқсас етіп жаратылған адам туралы тереңірек білім аласыз. «Жаратылыстың басталуы кітабы» күнәнің дүниеге келуі, оның салдары және бүкіл адамзатқа берілген маңызды ескерту туралы баяндайды. Курста Қабыл мен Әбіл, Нұх, Ыбырайым, Ысқақ, Жақып және Жүсіптің өмірбаяны мен оларға қатысты оқиғалар қарастырылады. Сонымен бірге бұл оқиғалардың мәсіхшінің күнделікті өміріне қандай қатысы бар екені түсіндіріледі.

Жаратылыстың қалай жаратылғанын және Құдай жаратылысқа орнатқан заңдылықтарды білмей, өмірдің мәнін толық түсіну қиын. «Жаратылыстың басталуы кітабы» адамзаттың ең терең сұрақтарына жауап береді: Мен кіммін? Бәрі қалай пайда болды? Өмірдің мәні неде? Неліктен дүниеде зұлымдық бар?

Жаратылыстың басталуы кітабын зерттеу адамның болмысын және соған қатысты маңызды мәселелерді тереңірек түсінуге көмектеседі, сондай-ақ таңдау еркіндігі, жауапкершілік және қабылданған шешімдердің салдары жайлы түсінік береді. Сонымен қатар бұл кітапта Құдай халқының, яғни барлық мәсіхшілердің тарихының бастауы баяндалады.

Сенім жолына жаңадан қадам басқан адамдарға өздері қосылған Құдай халқының тарихын тереңірек түсініп, сол оқиғалардан пайдалы рухани сабақтар алуға көмектеседі.

Ұзақ уақыттан бері сенімде жүрген адамдарға сеніммен өмір сүрудің және Иеміздің соңынан ерудің мәнін тереңірек түсініп, Киелі кітап кейіпкерлерінің өмірі мен тәжірибесінен рухани сабақ алуға көмектеседі. 

Мәсіхшілік ілімге қызығушылық танытқан жандарға өмірдің қалай пайда болғанын түсінуге көмектеседі. Сондай-ақ әлемдегі рухани және табиғи заңдардың, жақсылық пен жамандықтың қайдан шыққанын түсіндіреді.

Жохан жазған Ізгі хабар қалған үш Ізгі хабардан ерекшеленеді. Елші бұл кітапты кемел жасында жазып, онда Мәсіхтің өмірі мен ілімін ғана емес, оның терең теологиялық мағынасын да түсіндірді. Сондықтан ол өз еңбегінің мақсатын мына сөздермен анық білдірді: "Ал жазылғандары Исаның Құтқарушы Мәсіх, Құдайдың рухани Ұлы екендігіне сендер сенсін, әрі сенімдерің арқылы Онымен тығыз байланыста тұрып, шынайы өмірге ие болсын деген мақсатпен жазылған" (Жох. 20:31).

Бұл Ізгі хабар сенбейтін жандардың сенімге келуі үшін, ал сенушілердің сеніммен өмір сүруі үшін жазылған. Курс елшінің осы мақсатты Иса Мәсіхтің өмірі мен ілімі арқылы қалай ашып көрсеткенін тереңірек түсінуге көмектеседі.

Сенім жолына жаңадан қадам басқан адамдарға Иса Мәсіхке сенудің шынайы мәнін тереңірек түсінуге көмектеседі. Жохан өз Ізгі хабарында «сенім» деген зат есімді қолданбайды, бірақ «сену» деген етістікті қолданады. Бұл — әр сәтте сеніммен өмір сүру, Мәсіхке сүйену және Оған арқа сүйеп жүру дегенді білдіреді. Курс күнделікті өмірде сеніммен өмір сүруді және сенімді сақтау үшін Құдай қандай рухани құралдарды қолданатынын білесіз.

Ұзақ уақыттан бері сенімде жүрген адамдарға сенбейтін адамдармен қалай дұрыс сөйлесу керектігін үйретеді. Сондай-ақ сенімнің тек ой мен сезім ғана емес, адамның таңдауы мен шешіміне де байланысты екенін көрсетеді. Курс өз өміріңізге Ізгі хабар тұрғысынан қарауға көмектеседі.  

Мәсіхшілік ілімге қызығушылық танытқан жандарға Бұл курс адамды мәсіхші ететін нәрсе тек ақылмен сену немесе діни өмір сүру емес, рухани жоғарыдан туылу екенін көрсетеді. Сіз өзгерген жүректің қандай болатынын және жоғарыдан туылу деген не екенін түсінесіз. Сондай-ақ адам жүрегіндегі сенімсіздіктің кейбір себептерін тануға мүмкіндік аласыз.